Per prestaziuns extraordinarias

Sonda ha il District da musica Surselva clamau a Val S. Pieder ad ina radunonza extraordinaria (mira LQ dad ier, 2-11-2021). Suenter in temps pli liung da malsegirtad ha la suprastonza vuliu metter tiarms e fixar enquala caussa. Inagada eis ei stau da decider pertuccont la proxima fiasta districtuala, quella ei ils 3 da zercladur 2023 a Val S. Pieder. Vinavon ha la suprastonza proponiu d’integrar els statuts in niev artechel. Quel duei lubir da honorar dirigents e presidents ch’ein stai en uffeci duront silmeins 15 onns. Gl’artechel dueigi determinar ch’il District da musica Surselva distingua quellas persunas specialmein per lur engaschi e prestaziuns extraordinarias. La radunonza a Val S. Pieder ha approbau gl’artechel niev e honorau per l’emprema gada 20 persunas. Als suandonts 19 dirigents ed in president ha il president districtual Ivan Vinzens astgau surdar il document d’honur per prestaziuns extraordinarias:
Corsin Alig, Castrisch; Pieder Alig, Vrin; Romedo Andreoli, Trin; Marcel Cadalbert, Sevgein; Marcus Candinas, Rabius; Norbert Capeder, Vella; Roman Caprez, Root LU; Armin Caviezel, Vrin (il sulet sco president); Robert Deplazes, Surrein; Remo Derungs, Vignogn; Simon Derungs, Uors; Michael Friberg, Breil; Meinrad Giger, Mustér; Benedetg Hendry, Sedrun; Silvio Lechmann, Sagogn; Hansruedi Loretz, Val S. Pieder; Ignaz Sax, Sursaissa; Hugo Schär, Rueun; Gion Gieri Tuor, Sursaissa.(fmr/abc)