Lectura Rumantscha
FMR
38 onns chanzlist en Val Müstair
Lavurar cun il bab po tranteren esser in pau pli cumplitgà. Ma gist quai ha fatg Not Manatschal a l’entschatta da sia carriera sco chanzlist: Ses emprim patrun, vul dir il president communal, era ses bab. 38 onns ha el lavurà sco chanzlist, l’emprim da Sta. Maria e suenter da la vischnanca fusiunada Val Müstair. Not Manatschal ha vesì blers svilups: da la maschina da scriver cun correcturas da tipp-ex fin al computer, da la professiunalisaziun da l’administraziun a pli curtas uras d’avertura dal spurtegl causa la digitalisaziun.
Vandals a Mustér
Pir il december passà ha la vischnanca da Mustér decorà ses vitg cun ina nova illuminaziun e differents objects per l’enviern. E gia è ina telecabina da deco vegnida donnegiada la notg sin Silvester da vandals. Deplorablamain na saja betg pli pussaivel ozendi da realisar tals projects senza ch’i vegnia chaschunà donns, ha scrit la vischnanca ed appellà als malfatschents da s’annunziar. Tgisa, sch’insatgi s’annunzia?
Ina Bregagliotta musicala a Sagogn
Da la Bregaglia a San Murezzan, lura en il chantun Son Gagl e puspè enavos en il Grischun a Sagogn. La Bregagliotta Nadia Negrini ha gia vivì en blers lieus, a Sagogn quinta ella dentant da restar. Ella s’engascha sco vicedirigenta en il nov chor-baselgia reunì dal vitg sursilvan – sper ir a chatscha, observar utschels, esser pura da nursas e lavurar sco fisioterapeuta.
A revair e bun divertiment cun la Lectura Rumantscha!
Gust da leger dapli?