Lectura Rumantscha
FMR
L’Engiadin’Ota e ses provediment da sanadad
Per la settavla u dieschavla giada? Jau na sai betg pli exact quantas giadas ch’il provediment da sanadad da l’Engiadin’Ota è stà tema ils davos mais. Ma i resta interessant. En il davos mument vegni empruvà da salvar l’ospital da Samedan. Ina nova instituziun cun il num Sanadura duai rugalar il provediment, ma la gestiun da l’ospital duai la Fundaziun da l’Ospital chantunal surpigliar. Da sperar èsi tenor il proverbi «omen est nomen» che Sanadura dettia stabilitad.
Brinzauls e las cifras
Betg be ina bova da crappa smanatscha a Brinzauls, mabain er ina bova dad expensas. 80 000 francs ha custà il settember ed october 2025 be il persunal da segirezza e la surveglianza tras il servetsch da preavertiment en connex cun las visitas a Brinzauls. E gnanc da tschantschar dals custs per las translocaziuns e per il tunnel da drenascha. Christian Gartmann dal stab directiv da la vischnanca Albula/Alvra ha fatg quints per la FMR ed infurmà davart expensas, repartiziuns da custs e donaziuns.
Da Schluein Glion en l’America
Inqual ballapedist professiunal ha fatg a la fin da sia carriera il pass sur l’Atlantic. Remy Manetsch da Mustér ha fatg quel viadi gia cun 21 onns. Ad ina universitad a Wisconsin studegia el economia da manaschi, en il center stat dentant il trenament ed ils gieus da ballape cun la squadra universitara. Malgrà la distanza fin en patria persequitescha el dentant ils gieus da sia equipa da Schluein Glion.
A revair e bun divertiment cun la Lectura Rumantscha!
Gust da leger dapli?