Lectura Rumantscha
FMR
Da paupras mieurs – en baselgias e labors
Enconuschas ti la moda da dir: «Esser pauper sco ina mieur-baselgia»? – Cun animals sco mieurs, ratuns ed auters vegn experimentà per testar medischina, far products da cosmetica ed anc bler auter. In expert dal fatg è Otto Maissen oriund da Rabius. El è manader dal post per experiments cun animals a Berna ed in da ses pensums è da relaschar directivas co ch’igl è da tractar animals. Ina da questas directivas sa cloma: «Betg auzar ina mieur vi da la cua.» – Paupras mieurs – mieur-baselgia u mieur-labor n’emporta betg.
Ina «cursa lunga» per Annatina Foppa
«Cursa lunga» u «passlung» – omadus pleds chattas ti en il Pledari Grond, apunta per quel sport che ti fas sin loipa. A la columnista Annatina Foppa plascha quel sport. Ma damai ch’ella viva a Vienna èsi stà ina vaira odissea per ella dad ir sin loipa. U ditg auter: Igl è stà ina «lunga cursa» cun blers «pass lungs» fin ch’ella ha pudì far cun sia famiglia in gir.
Ina disgrazia che ha tutgà
Dad in mument sin l’auter po midar tut! Ti has probabel vis ed udì da l’accident tragic en il territori da skis Titlis, nua ch’ina dunna è disgraziada pervi d’ina gondla ch’è crudada giu da la suga. Natiralmain ha quai era dà da discurrer tar las pendicularas en il Grischun. Envers la FMR ha Sandra Brügger, la CEO da las Pendicularas Breil-Vuorz-Andiast ditg: «Quei accident ha secapescha tuc fetg nus.»
Dal rest: Has ti veglia da scriver artitgels or da tia regiun – nossa redacziun tschertga redacturas e redacturs per la Surselva ed il Grischun Central. Qua chattas ti tut las infurmaziuns.
Gust da leger dapli?