Lectura Rumantscha
FMR
In Don Corleone a Roveredo?
La mafia a Roveredo, gea quai è stà il tema d’ina conferenza da medias ier mesemna a Cuira. Jau pens sa chapescha immediat a Don Corleone (foto) dal film «Il padrino/Der Pate». Uschè spectaculara sco il film n’è la conferenza da medias dentant lura betg stada. Schegea che la stanza da medias da la chasa dal Cussegl grond è stada – sco ch’i para – pli plaina ch’inqual kino. Ma apunta, la mafia procura per attenziun, era sch’i va atgnamain «mo» per il dretg da dimora dad intgins schanis.
Davart il scriver columnas e poesias
Sco lectura u lectur fidaivel da La Quotidiana enconuschas ti franc la columnista Patricia Tschuor-Marques (foto). Sia emprima columna ha la FMR publitgà avant vaira precis in onn. Entant has forsa era ti ta dumandà, tgi che questa giuvna autura è, e co e cum ch’ella scriva insumma. Ina resposta a quellas dumondas, sco er in schatg poetic, chattas ti en la Lectura Rumantscha.
Zuoz fa plaunsieu
Na, prescha n’han ils da Zuoz betg, almain betg, sch’i va per la Sanadura. Malgrà che las ulteriuras vischnancas han gia decis, vul Zuoz vinavant far plaunsieu e spustar anc ina giada la tractanda. I manchian anc tschertas infurmaziuns. Respostas sin inqual dumonda averta chattan ils da Zuoz forsa oz en la Lectura Rumantscha. Ma halt, jau na vuless stressar nagin – buna preda dovra peda.
E sche ti na sas dal reminent anc betg tge far da Pasca: A partir da questa fin d’emna cumbattan las equipas da ballape da la 3. liga puspè per puncts.
Buna lectura e buna Pasca!
Gust da leger dapli?