Lectura Rumantscha

En la Lectura Rumantscha na vegn oz betg in fil cotschen en acziun, mabain in fieuter cotschen:

Mediomatix – insuffizient

Per ina giada n’è il fieuter cotschen betg vegnì en acziun tar in concept rumantsch u tar ina clausura da matematica, mabain tar ils meds d’instrucziun per la scola populara. La magistraglia grischuna crititgescha il med d’instrucziun rumantsch Mediomatix e dumonda per ina remedura. La nota d’attestat per Medio­matix – insuffizient.

Dapli pops, dapli terren da bajegiar

Has ti ina parcella en la zona da construcziun en la vischnanca dad Ilanz/Glion? Lura pos ti forsa dar bainprest in suspir da levgiament. La populaziun vegn pli numerusa e las parcellas che ston vegnidas dezonadas uschia pli paucas. Probablamain pos ti en il futur tuttina bajegiar ina chasa sin tes terren, grazia als pops u a l’immigraziun.

Da l’Engiadina or en il mund

Tge tip da vacanzas es ti? Mar u muntogna, tren u aviun, recreaziun u action? Las purschidas èn numerusas. Da curt gida a Sent Martina Vital da far la schelta. Ella ha avert in biro da vacanzas ina anteriura mazlaria. E vuls savair tge tip da vacanzas ch’ils Engiadinais èn? Ils Engiadinais laschan plitost captivar da viadis bain organisads e forsa main exotics, tradescha Martina Vital. E lura, es ti er in pau engiadinaisa sco jau?

A revair e bun divertiment cun la Lectura Rumantscha!