Lectura Rumantscha

Suenter che brumbels, fluras e prada han gia fatg zunt fitg primavaira, s’annunzia l’enviern curt enavos cun fradaglia e naiv. Per cletg avain nus per tai avunda lectura per la stiva chauda.

Nairas uras per ils mirs alvs

Igl ha gia dà reclamaziuns ch’ins na sappia betg pli leger las uras dal clutger da Schluein. Jau sai però dir tge uras ch’igl è: Nairas uras da sanar quel object. La plaiv ha natiralmain gia prendì en mira ina renovaziun. Sper il clutger vul ella era gist sanar ils mirs da la baselgia. Quels na san betg propi trair flad pervi dad ina dispersiun bunmartgada dals onns 70.

Autras leschas en Surses

La glista è lunga da las interpresas, uniuns ed associaziuns che sustegnan la cumpra da l’hotel Cube a Savognin. I dat però era vuschs ch’èn encunter che la vischnanca da Surses cumpria l’hotel, per exempel Ruth Giovanoli. L’anteriura presidenta communala da Beiva manegia: «Radunanzas communalas e votaziuns a l’urna na suondan en Surses betg a las medemas leschas.» Ella spera questa dumengia ch’i dettia in NA a l’urna.

Enavos sin start

Durant onns ha la vischnanca dad Ilanz/Glion preparà ina nova planisaziun locala: Qualas parcellas duain vegnir dezonadas, tgeninas restar terren da bajegiar. Ed ussa hai tuttenina num «Stop, enavos al start». Las prognosas dal svilup da la populaziun èn sa midadas uschè fitg, ch’i na fa betg pli da basegn da dezonar. Co è quai be pussaivel? La FMR è ida en tschertga da respostas tar il Chantun.

Buna lectura en la stiva chauda!