Lectura Rumantscha

Bun di a la Lectura Rumantscha! Oz cun schlantsch solar-ortulan-rumantsch!

Dar gas en Tujetsch

Ils Tuatschins e las Tuatschinas èn svelts! Lur ovra solara che vegn per gronda part finanziada or dal fondo dal «Solarexpress» vegn actualmain bajegiada. E quai è in vaira project: Ils custs muntan a circa 90 milliuns francs. La finamira è dad installar 34 200 moduls che duain producir energia sin la fin da l’onn 2028. La FMR è stada a guardar co che las lavurs avanzan.

Khurertütsch e betg Rumantsch

Varga 200 Rumantschas e Rumantschs èn s’entupads il venderdi passà ad ina festa da curtin patgifica en la chapitala grischuna. Da discutar han els gì ina massa: La citad da Cuira vul numnadamain stritgar las lecziuns rumantschas en scola sin il stgalim aut. Or da la simpla raschun: Cuira sto spargnar. Il president da l’Uniun Rumantscha da Cuira Patric Collet ha annunzià protesta, «forsa perfin cun in’acziun sin via».

Dapli success en iert

Has ti in iert? – E na sas ti betg propi co che ti has il pli bler success cun la racolta? Cura èsi da dar aua? Tge èsi da plantar nua? – La spezialista da permacultura tar il Parc natiral Beverin Karin Roth ta pudess gidar. Dal princip valia per in iert tenor l’experta il medem sco tar ils carstgauns: Ins sto savair tgi e tge che va bain a prà cun l’auter.

Bun divertiment!