Lectura Rumantscha
Da Dior ed Armani tar Origen
Chanel e Vivienne Westwood? Gea, pli u main sai jau tge che quels fan. Ma betg dumonda detagls. Jau sun pli famigliar cun instituziuns grischuns sco … Origen. Gist il cuntrari eri dal reminent tar Martin Leuthold. Il designer – ch’è responsabel per tuttas dumondas da stil tar Origen – ditg gnanc enconuscheva quest’organisaziun culturala da Riom. El era persuenter a chasa en il mund da Dior, Armani e cumpagnia. Almain fin ch’el ha emprendì d’enconuscher Lucia Netzer, la mamma dal capo d’Origen.
La crux cun l’aua
La dosa fa il tissi. Quai vala per tut ed era per l’aua, sco ch’jau hai gia constatà pliras giadas tar mias plantinas da chasa. Tar quellas pudess ins almain schliar il problem relativamain simpel. Cura ch’i va per ers e prads, èsi in pau pli difficil. La sitgira e chalira pretenda schliaziuns innovativas da l’agricultura. Talas èn vegnidas discutadas mardi a chaschun d’ina dieta a Mustér. Mes collega Hans Huonder ha rapportà da la crux cun l’aua.
In giubileum cuschentà
In motiv da far festa chattan ins adina e gugent. Ina pau curius pari damai, sch’ins na festivescha insumma betg in anniversari sco l’80avel. Ma gist quai è il cas tar la crema da sulegl Piz Buin. Quella pudess schizunt guardar enavos sin in’istorgia da pionier: Ses inventader Franz Greiter ha creà avant 80 onns ensemen cun sia crema era l’emprim factur da protecziun. Chapeau! Aber eba, sco che mes collega Dario Müller ha declerà, n’è l’istorgia da la «Piz Buin Gletschercreme» betg be ina da «chapeaus», mabain er ina da cuntraversas famigliaras.
A revair e bun divertiment cun la Lectura Rumantscha!
Gust da leger dapli?