Lectura Rumantscha

Tuttenina en la zona cotschna

Metta avant che tia chasa sa tschenta dad in di sin l’auter en la zona cotschna! Quai è capità a Gion-Franzestg Schaniel da Tinizong. Dapi l’onn passà è ses bain puril en la zona cotschna. Il Chantun ha revedì las cartas da privel e constatà che crappa pudess crudar en quel territori. La vischnanca da Surses ha gia instradà examinaziuns, sche mesiras da protecziun fissan pussaivlas, ma quai dovra temp.

Tuttenina betg pli directur

Tschertgas ti ina lavur? A Cuira vegn ina plazza libra. Il directur da Radiotelevisiun Svizra Rumantscha Nicolas Pernet chala a la fin da quest mais. El vegn nov directur «Purschida» tar la SRG SSR. Ed ussa, co vai vinavant cun el e cun RTR? Quai ha el tradì en in’intervista.

Tuttenina blers participants e participantas

Las plantas chatschan brumbels e las emprimas minicolas da primavaira èn da vesair. I fa da vaira gia primavaira. Ma l’enviern n’è anc betg per tuts e tuttas a fin. A Mustér ha lieu questa fin d’emna la concurrenza da turas da skis Trofea Péz Ault. Il dumber d’annunzias è fitg legraivel – e betg dad emblidar era la naiv suffizienta, malgrà las temperaturas primavaunas.

A revair e bun divertiment cun la Lectura Rumantscha!