Lectura Rumantscha

«Oh Champs-Élysées, oh Champs-Élysées» – La Lectura Rumantscha fa oz ina sin franzos.

In souvenir d’anno 1799

Es ti in um tranter 18 onns e 60 onns? Lura t’annunzia toch tar il reschissur René Schnoz. Per il «teater 1799 – Revolta ella Cadi» è el anc a la tschertga da statists. Tes profil: Ti giogas in schuldà franzos, na stos però betg savair in soli sulet pled franzos! En il toc vegn tematisada la revolta da purs e chatschaders, cura ch’ils franzos han invadì la bella Cadi. Sco «revanche» dolurusa han quels dà fieu la Claustra da Mustér​…«mon dieu!»

In «faible» per il franzos

Rumantschas e Rumantschs aveva gia adina in «faible» per la lingua franzosa. Quai ha era demussà il festival LitteraturA Nairs a Scuol da la fin d’emna passada. En quest barat litterar rumantsch-franzos è ina tschinquantina da persunas sa radunada per discurrer e discuvrir las zonas da contact tranter rumantsch e franzos. E vuls ti savair tge che discurrer «comme une vache espagnole» munta?

Il pievel è il retg

Las Franzosas ed ils Franzos che declameschan gea gugent «Liberté, egalité, fraternité» fissan cuntents sco che quai funcziuna qua en Grischun. Era quest onn elegia il pievel ses represchentants e sias represchentantas en il Cussegl grond. Bundant trais mais avant questas grondas elecziuns dat la FMR ina survista da tut quai che ti stos exnum savair gia ussa!

Dal rest: Has ti veglia da scriver artitgels or da tia regiun – nossa redacziun tschertga redactur:as per la Surselva ed il Grischun Central. Qua chattas ti tut las infurmaziuns.