Lectura Rumantscha

I va cunter la fin dal mais d’avrigl. E lura n’èsi betg pli da far prescha, simplamain star patgific.

Patgific, però tuttina cun piztgadas

Patgific è il Mais da pais d’avrigl, nossa revista mensila. Però betg en il senn ch’ella fa simplamain pausa. Na, il cuntrari! Ella dat gas sco adina, ma las tematicas èn patgificas. Il Mais da pais fa in veritabel tour d’horizon dal Danemarc sur Turitg fin a Zuoz. Era sch’igl è patgific, na mancan betg las piztgadas.

Parlament versus radunanza en Tujetsch

Er en Tujetsch pudess’ins laschar dar l’aura per ils lareschs. Ma nagut cun patgific! In pèr iniziants vulan enavos il parlament communal. Quel è vegnì abolì a favur da la radunanza communala sperond che quai dettia impuls e dapli interess. Ils iniziants han dentant constatà gist il cuntrari: radunanzas communalas vitas, memia patgificas.

Las ramurs patgificas a Rueun

Patgific n’èsi era betg a Rueun. L’interpresa Novaziun dat gas, betg cun energias fossilas, mabain schuber cun forza electrica. Dapi tschintg onns fa ella maschinas agraras e communalas cun tracziun electrica en il vitg sursilvan. Patgific èn be las ramurs quietas da las maschinas da Novaziun.

Sta luc e patgific cun la Lectura Rumantscha!