Lectura Rumantscha

L’aua traglischanta, però era pretensiusa

Igl è stà in schoc: Al Lag la Cauma hai gist aifer curt temp dà dus accidents mortals. Jau sco nudadra passiunada hai natiralmain gist piglià tema. En lais hai jau adina in zichel schanetg e respect. Igl è in auter nudar ch’en in bogn cun aua clera e betg uschè profunda. In tal bel lai sco il Lag la Cauma carmala però la glieud, ma igl è d’agir cun respect e precauziun, sco ch’in expert declera.

Il sviluppader dad ideas da Zernez

El na ceda betg. Suenter l’emprima emprova betg gartegiada l’onn 2022 candidescha Fadri Guler in’ulteriura giada per il presidi communal da Zernez. El vul purtar nov schlantsch en vischnanca, però betg cun sias ideas, mabain cun da quellas sviluppadas ensemen cun la populaziun. La populaziun vegn a decider la fin da settember, sch’ella è pronta da crear novas ideas.

Agid senza cunfins?

La plazza manca, di la Chasa da dunnas Grischun. Quai na constat betg, di il Chantun. I dependa in pau co ch’ins guarda sin las cifras d’occupaziun da la chasa da l’onn passà. Il Chantun argumentescha ch’in dumber da dunnas che prenda dimora segira en la Chasa da dunnas Grischun saja ordaifer dal chantun. Qua èsi forsa da dir che violenza na sa ferma betg al cunfin dal chantun – ed agid na duess era betg far quai.

A revair!