Lectura Rumantscha
FMR
L’aua che na renda forsa gnanc
Igl è stà da far questa stad. Jau hai be in pitschen iert, ma tar quellas chaliras hai jau gì da purtar vi e nà insaquantas giadas la chanta d’iert. Gnanc da pensar tge lavuruna che puras e purs han gì u anc adina da far. In che ha sauà sia pulenta è Gian Risch Tscharner. Il pur dad Alvagni n’è però gnanc segir, sche questa lavur va si finanzialmain.
Il spiert critic
Sche insatge na ta plascha betg, exprimas ti lura tia critica? Co fas ti valair quella? Forsa perfin publicamain? – Ina persunalitad rumantscha che n’ha mai gì retegnientschas per crititgar e metter en dumonda è stà Jacques Guidon da Zernez. L’autur ed artist è mort avant detg exact tschintg onns. Quests dis fan intgins «spierts» da Jacques Guidon barlot a Zuoz – cun in’exposiziun ed in teater sautà. L’artist engaschà avess segir gì in milli gust. U avess el tuttina crititgà las inscenaziuns en la Chesa Gregori?
10 onns idea sturna
Dapi in decenni pon uffants pitschens ir a «tuter» u «ninar» en la canorta rumantscha a Turitg. Quai che tuna sco ina idea sturna, festivescha quest onn gia ses 10avel onn da giubileum. La finanziaziun è reglada bain, i resta però in grond problem: chattar persunal qualifitgà e che tschantscha rumantsch, che sa pia che las «titas» e las «puschas» fan meh e muh.
A revair e bun divertiment cun la Lectura Rumantscha!
Gust da leger dapli?