Lectura Rumantscha
FMR
Oz vai per spargnar daners ed antennas e mussar buttuns e chips cun protagonists internaziunals da num e da pum.
Puspè ina giada sut squitsch
Mintga pèr onns sto Cuira spargnar, e mintga pèr onns vegn la citad sin l’idea da spargnar tar las scolas bilinguas. Quest onn èsi puspè uschè lunsch ch’igl è ì en emblidanza che Cuira è la chapitala d’in chantun triling. La FMR ha perquai dumandà suenter tar il suprastant responsabel Patrik Degiacomi daco ch’el vul spargnar tar las scolas bilinguas.
Be per antennas visiblas
Flem spargnass gugent davent las antennas per telefonia mobila. Per pudair cundecider nua che talas antennas pon vegnir montadas, vegn ina midada da la lescha da construcziun a l’urna. Ma para avess quella be effect sin antennas visiblas. Avant Nadal èsi lura pussaivel ch’interpresas da telefonia vegnan sin l’idea da simplamain pachetar en las antennas.
In Polonais ch’emprenda rumantsch
A Sent èn actualmain da vesair buttuns vi da lismers e giaccas. Er il Polonais Maciej Durkiewicz ha in tal buttun che mussa ch’i saja da tschantschar be rumantsch cun el. Per l’otgavla giada visita il linguist in curs intensiv da rumantsch. E cuntrari a las antennas n’è ses rumantsch betg da zuppar.
Tgi per il diavel è Nino Caprez?
In che discurra dapi naschientscha rumantsch è Nico Caprez. Ma tgi è insumma quel Engiadinais che tut las medias vesan sco nov schef da l’interpresa da chips Nvidia? Noss redactur Sandro Buchli va a la tschertga da Nico Caprez cun plima umoristica e dat gist anc in tip da cumprar aczias.
A revair e bun divertiment cun la Lectura Rumantscha!
Gust da leger dapli?