Lectura Rumantscha
FMR
Cun in grond sigl da 38 meters cumenza la Lectura Rumantscha dad oz – e hops!
Zuoz: In record da 38 meters
In vaira sigl ha Roland Bläsi fatg l’onn 1953: radund 38 meters lunsch è el siglì cun ses skis! Per uschè da dir il Simon Ammann da lez temp! Bläsi tegna cun quai anc oz il record da la schanza Landinas che sa chattava sin il territori da Zuoz. Ma Landinas è mo ina da las duas schanzas istoricas da la vischnanca engiadinaisa. La segunda, Arpiglia, è oz mo pli ina ruina. Noss redactur Martin Camichel è ì a la tschertga da fastizs «archeologics» da quests duas schanzas (ed ha era chattà els, tant saja detg).
Ils da Laax han bi rir
In bass pe da taglia, in grond territori da skis avant esch ed in bel lai amez vischnanca. Ils e las da Laax han bi rir! E che tuts vesian era la buna luna, ha la suprastanza gia avant blers onns decidì che era il pesch da la vopna da Laax stoppia rir e betg pli guardar uschè serius! La FMR ha vulì savair da l’archivari dal stadi Reto Weiss, sche ins dastga insumma far talas midadas.
Elecziuns 2026: cumbats e tensiun
Sche las elecziuns grischunas fissan in roman, lura garanti nagin roman d’amur! Siat persunas cumbattan per tschintg sezs en la regenza – per dastgar surprender il timun dal chantun muntagnard. En la battaglia electorala da l’onn 2026 vegni battì cun diras bandaschas, la tensiun è auta ed ils pugns vegnan a sgular. La redactura Claudia Cadruvi descriva la situaziun cun in vocabulari vaira guerresc.
A revair ed in bun sigl cun la Lectura Rumantscha!
Gust da leger dapli?