Lectura Rumantscha
FMR
La elita vegn a Mustér
Il horror da mes temp da scola: Sunar la flauta tut persul davant la scolasta. Mes problem: Auter che curt avant la lecziun, n’hai jau mai prendì enta maun quest instrument per exercitar. Il resultat: ina cacofonia! Cumplettamain different è quai natiralmain tar ils accordeonists e las accordeonistas che pelegrineschan l’onn 2027 a Mustér. Ellas ed els èn talentads ed exerciteschan segiramain ina massa per ils campiunadis mundials.
Aria frestga dat impuls
Has ti era bleras ideas, cura che ti fas ina spassegiada? Durant ina tura sin il Lötschenpass ha Barbara Schaffner pensà: Pertge betg bajegiar lais da fermada là, nua ch’ils glatschers lieuan. Cunquai che la dunna sesa en il Cussegl naziunal, ha sia idea dapli paisa che mias ideas. La politicra ha inoltrà ina moziun al Cussegl federal e pretenda in rapport, sche quai gidass da segirar l’aua.
«Aborigins da las Alps»
«Aborigins da las Alps» – uschia ha l’experta da communicaziun Ellis Kasslatter numnà abitantas ed abitants dal Vnuost, da l’Engiadina Bassa/Val Müstair. Las duas regiuns vulan en il futur render pli visibel lur patrimoni communabel. Tgisà – forsa datti en ustarias dal Vnuost prest da mangiar la spezialitad engiadinaisa «plain in pigna»? Il temp vegn a mussar las stentas da l’organisaziun Terra Retica.
Gust da leger dapli?