Lectura Rumantscha
FMR
Il scumond da la Via Cavardiras, il cameleon Camillo ed ina «fracziun» da Martins en il Cussegl grond – quai èn oz tias trais buccadinas da la Lectura Rumantscha.
Camillo – il cameleon sursilvan
Na, la nova figura da comic per uffants sursilvans n’è betg in capricorn u forsa ina muntanella u in auter animal da la muntogna – mabain il cameleon Camillo. E quel duai prest dar vinavant il plaschair da chantar, sco che la creatura da quest cudesch cun chanzuns per uffants Riccarda Camenisch ha ditg en l’intervista cun la redacziun.
Mustér – in scumond che fa discutar
Nadal s’avischina. Decoraziuns festivas traglischan perquai dapi emnas sin vias e giassas. A Mustér tar la Via Cavardiras n’embelleschan dentant betg mo quellas il vitg. Dapi var duas emnas «traglischa» là en cotschen ed alv er ina resch nova tavla da traffic. Quest scumond da transit entamez il vitg na procura però betg mo per lunas festivas. Il president communal René Epp ha explitgà il co e cum dal scumond.
Cussegl grond – Martina e Martins han mustgas
Has ti schon ponderà a tgi che ti das tia vusch l’auter onn? Las elecziuns dal Cussegl grond s’avischinan, plaun e plaun. En radund sis mais è il termin. Gist quatter politichers grischuns cun il num Martin ed ina deputada cun il num Martina han mustgas da recandidar, sco ch’els han detg a la FMR. Sch’i gartegiass ad els ed ad ella, fiss quai ina vaira festa da Martins!
Arevair e bun divertiment cun la Lectura Rumantscha!
Gust da leger dapli?