Lectura Rumantscha

Na, la lectura dad oz n’è betg sponsurada da la band britannica Queen, era sch’i po parair uschia.

«We are the Champions»

Sch’ils ballapedists da l’US Schluein Glion (USSI) han chantà la fin d’emna passada «We are the Champions», quai na sai jau betg dir cun tschertezza. Ma jau suppon ch’i saja stà uschia. L’emprima equipa da l’USSI ha numnadamain francà l’emprim rang en 3. liga e festivà la promoziun. Co ch’ins vul affruntar la sfida da dar en ina classa pli auta, quai e dapli ha il president da l’USSI declerà en l’intervista cun il redactur Hans Huonder.

«Don’t stop me now»

Il Chor Uvriu Danis-Tavanasa ha festivà questa fin d’emna ses giubileum da 20 onns, quai dentant betg cun in simpel «Happy Birthday» u auters classichers. Na, aposta per ses giubileum ha il chor incumbensà cumponists da metter en musica texts da poets da Breil. Cun las cumposiziuns resch novas ha il Chor Uvriu Danis-Tavansa franc fatg in regal a sasez, ma era mess in signal per l’avegnir – «Don’t stop me now».

«Under Pressure»

Na, gist sco en la chanzun «Under Pressure» n’è il mintgadi da lavurers communals probablamain betg. Ma da far nagut – sco l’in u l’auter pensa forsa – n’han els en mintga cas era betg. Anzi, en vischnanca datti adina insatge da far: coordinar las lavurs, controllar la deponia e la chanalisaziuns, tgirar il stgaudament d’edifizis publics, cumbatter neofitas e gidar pitschen e grond – ma anc bler dapli, sco che la FMR ha pertschavì durant ina visita tar il lavurer communal d’Andeer Daniel Gemperle.

Dal reminent cussegl jau da tadlar «Somebody To Love» durant leger la columna da Christian Fey.

«Viva Queen» e bun divertiment cun la Lectura Rumantscha!