Lectura rumantscha

Il sulegl procura actualmain per chaliras e suaditsch. Ed en la Lectura Rumantscha procura il sulegl per temas e forsa per testas cotschnas.

La Lia gira enturn sasezza

Il sulegl e tut ils planets giran enturn il mund. Quai era il credo en il temp medieval. E paupra sch’insatgi pretendeva insatge auter. A mai para la Lia Rumantscha in pau da suandar quella imaginaziun: Tut gira enturn la Lia e betg sco ch’i dess esser ozendi che la Lia s’occupa e sa mova per la promoziun dal rumantsch. Jau sper ch’i vegnì bainbaud in Galileo e di: «Ma ella gira tuttina.»

Dal sulegl tar il fritg en buttiglia

Per che fritgs vegnan dultschs e madirs, dovri in u l’auter radi da sulegl. E lura pon ins morder cun gust en in mail u giudair ina primbla. Ins sa dentant era far in bun vinars or da quels fritgs, sco che la Destillaria Daguot a Glion fa. Quasi or dad ina idea sturna, u sco ils Tudestgs din «Schnapsidee», han Robert Cathomas e Beni Simeon fundà la destillaria. Ussa dattan els vinavant la batgetta.

Promover l’energia solara

Tar las energias regenerablas è il sulegl in dals gronds stars. Però, i na basta betg da simplamain star a sulegl. I ston era vegnir installads panels per profitar da la forza da quella staila fixa. Per che quai capita pli stedi, sustegnan Confederaziun, chantuns e vischnancas projects fotovoltaics. La vischnanca da Vaz ha infurmà privats, co che quel sustegn vesa ora.

A revair e bun divertiment cun la Lectura Rumantscha!