Lectura Rumantscha

Il faner da la Val Medel

Na, cun la Tur Alva da Mulegns u il viaduct da la Landwasser na po il faner restaurà en la Val Medel betg sa mesirar. Igl è nagut spectacular. Ma tuttina ha er el sia muntada culturala. Sco ch’ils responsabels per la restauraziun da la Fundaziun Cuntrada cultivada Val Medel han detg, t’envida il faner en pli era da far in paus e da giudair il ruaus: «Avon quel ha la vischnaunca plazzau in baun. Il faner sesanfla en in fetg bi liug.»

La gasetta sin «cumà»

Legias ti la gasetta era mo pli en furma digitala? Lura na fas ti betg pli diever da l’entir potenzial da «La Quotidana», da la «Pagina da Surmeir» u d’auters schurnals. Sco ch’il pensiunà da prest 90 onns Ciril Berther po raquintar, n’haja el durant si’uffanza a Rabius numnadamain betg legì las gasettas. Na, ins haja duvrà quellas sin «cumà» era sco «pupi da hisli». Quest raquint chattas ti dal reminent sin la pagina d’internet da Ciril Berther u era sin en la lectura dal di.

Sanadura: proxima votaziun

Igl è sta ina greva pagliola, quella da la Sanadura per salvar il provediment da sanadad en Engiadin’Ota. E malgrà ch’igl è daventà pli quiet ils ultims mais, n’è la chaussa anc betg rugalada. I spetga gia la proxima votaziun, numnadamain ils 27 da settember 2026. Lura vai per cunvegnas da prestaziun, 28,5 milliuns francs e puspè per l’avegnir dal provediment dal sanadad. Ma insumma, meglier ch’jau ha Isabel Wenger – la presidenta dal cussegl da sanadad da las vischnancas pertutgadas – explitgà quai en l’intervista cun il redactur Michael Steiner.

A revair e bun divertiment cun la Lectura Rumantscha!