Lectura Rumantscha

Brinzauls sco nov dachasa

Per mai fissi suenter tut quels virivaris davart Brinzauls bain in pau curius dad ir a star en quel lieu ch’era anc avant in pèr mais periclità da la bova. Era sch’il privel è tschessà, avess jau tuttina anc in zichel tema ch’i pudess capitar insatge. Auters n’èn però betg uschè chajachautschas ed han chattà sin la spunda sulegliva in nov dachasa, sco per exempel il pèrin Rein e Merle Unn oriund da l’Estonia.

La glina a chasa

Manuela Monn ha «vesì» il revers da la glina. La scolasta d’art oriunda da Sedrun ha antruras sco studenta ensemen cun ina amia reconstruì la glina cun ses craters en ina garascha. La fotografia da quel «fake» ha fatg furora. 21 onns pli tard penda quella anc adina en l’abitaziun da Manuela Monn ch’è en il fratemp docenta e prorectura. 

Trair en chaud

En l’implant da sport da Trü a Scuol è ina platta da betun defecta. Quai ha per consequenza ch’i na dat l’enviern betg in glatsch per ir cun patins e giugar curling e ch’il bogn avert vegn ad esser pli fraid l’onn proxim. Lura hai num: Trair en pli chaud!

A revair e bun divertiment cun la Lectura Rumantscha da tschel maun da la glina!