Lectura Rumantscha

Ils paragrafs e la naiv

Sche la naiv vegn, èsi da rumir las vias. Farguns e fresas èn lura da viadi. Quellas lavurs ston las vischnancas surdar en proceduras da submissiun, vul dir ellas scrivan ora las lavurs e per il solit prendan ellas l’offerta la pli favuraivla. Per il solit, ma eba quai n’è gist betg capità en il Surses, uschia ch’ina interpresa è ida a la Dretgira superiura dal Grischun ed ha survegnì raschun, ma tuttina betg la lavur. Nossa redactura Claudia Cadruvi ha fatg via cun il fargun en ils paragrafs giuridics.

Il grond «Pledari pitschen»

L’urset che lava ils dents, la vulp che fa termagls cun in tschertgel u ils portgs en l’auto da pumpiers. Jau hai charezzà il «Dicziunari» da Richard Scarry cun ses animals che sa cumportan sco carstgauns. Ussa datti in nov dicziunari rumantsch illustrà, il «Pledari pitschen» che n’è cun 1000 illustraziuns betg uschè pitschen.

Per tge vai?

I va en la fasa finala. La fin da november votescha la ­Surselva sur da las cunvegnas da prestaziun da la SanaSurselva. Noss redactur Martin Gabriel ha fatg urden cun il provediment da sanadad en Surselva e declera per tge ch’i va.

Il giabus gigantic

Passa 15 kilos paisa il giabus da piz che ha gudagnà la concurrenza a Sogn Benedetg questa sonda. La cultivaziun ­da tut ils giabus en cursa ha cumenzà cun la plantinas da Vitus Bass.

A revair e bun divertiment cun la Lectura Rumantscha!