Lectura Rumantscha

Hoplahop senza stop – las trais istorgias dad oz:

«Tgi è quai sin la fotografia?»

Tge fa quai cun tai, sche ti contemplas fotografias veglias nair-alvas? Vegns ti lura nostalgic? U vuls ti simplamain savair exact tgi ch’è da vesair sin la fotografia. In stgazi fotografic prest nunenconuschent dal fotograf Johann Feuerstein (1871-1945) vegn actualmain mussà a Müstair. L’exposiziun curatada da Ruedi Bruderer (foto) ha er in’aspect participativ. Tar bleras fotografias che mussan persunas n’è betg cler da tgi ch’i sa tracta. Perquai è la populaziun ussa dumandada dad eruir ina u l’autra fatscha jaura fotografada da Feuerstein.

Las lingias grassas e finas dal schaner

Il mais da schaner hai be dà pauca naiv. Ma prest punctualmain sin il favrer ha dunna Holla laschà naiver in fina glasura, sco quai ch’era la fotografia, fatga la gievgia a Scuol, mussa. Malgrà pauca naiv – il mais è tuttina passà. E sco adina dat perquai David Truttmann in’egliada sin «las lingias grassas e finas» dal mais passà. I va per las visitas (betg adina bainvisas) da turists americans, per la muntada da Tinder per la Lia Rumantscha e per las 84 finamiras annualas da la regenza grischuna.

«Haargenau» u Salon Rita?

Co ha num tes coiffeur? Vas ti en il «Salon Rita»? U ha tes tagliachavels in num pli exotic sco per exempel «Hairgott» u «Haargenau». Ed jau avess gea mirveglias cun tge frisura creativa che la glieud sorta dal «Friseur Picasso»? En mintga cas: Quai èn tut nums da salons ch’existan propi – a Vienna. Seraina Caduff viva dapi 25 onns en la chapitala austriaca e raquinta en la columna dad oz co ch’ella ha sezza taglià ils chavels a ses figl … «haargenau».