Lectura rumantscha

3…2…1…ura e temp per la Lectura Rumantscha.

In president che dat tut

Cun corp ed olma maina Rinaldo Caduff dapi otg onns l’uniun Rezia Bassa. Malgrà che l’uniun per Rumantschas e Rumantschs da Sargans e conturn exista gia dapi l’onn 1966, è el pir il terz president. Dad ina tala cuntinuitad siemian bleras uniuns ed organisaziuns. La sontga trinitad da da schuppa da giutta, «chara lingua da la mamma» e curs da troccas vegn era cultivada en la Rezia Bassa – e quai cun grond success. Las occurrenzas èn mintgamai frequentadas fitg bain.

Bar u carta

Es ti catolica u refurmà? Es ti skiunz u snowboardista? Cun «scharf» u  senza il kebab? I dat adina puspè dumondas spinusas che paran da sparter la societad. U ch’ins è «per» u «cunter». Actualmain è questa discussiun lantschada pervia dal pajar bar u pajar cun carta. En intgins lieus èsi mo pli pussaivel da pajar cun carta vi da l’ura da parcar l’auto. La FMR ha vulì savair quants che pajan co en las vischnancas da Trun, Tujetsch e Mustér.

Emprender, emprender, emprender

Dapi blers onns porschan ils scienziads da litteratura ­Angelika Overath e ses um Manfred Koch curs da scriver per ina e scadin. En lur curs vai per glimar la lingua, discurrer davart pleds e formulaziuns, ma tranteren era mo per ir ensemen a mangiar ina pizza. Ed apropos emprender: Johanna Krapf tradescha oz, cun tge instruments digitals ch’igl è pli simpel d’emprender rumantsch.

Bun divertiment cun la Lectura Rumantscha!