Lectura Rumantscha

Schlonda sin schlonda fa tetg

Avant onns hai dà ina u l’autra chasa cun fatschada da schlondas en mes vitg nativ. Da buoba era jau, creschida si en ina chasa da crap, adina fascinada da quella cuverta en furma regulara. Entant èn blers bajetgs cun schlondas svanids. I dat dentant anc mintgatant novs edifizis cun schlondas, sco per exempel la Chesa Futura a San Murezzan. Las schlondas per quel bajetg ha fatg Patrik Stäger da Vaz Sut, il davos tagliaschlondas dal Grischun. Or da lain da laresch u pign fa el en blera lavur a maun numerusas schlondas.

Moviment per il cor

Sch’il cor na lavura betg pli endretg, vai vi dal viv. Per persunas che han gì operaziuns dal cor u infarcts datti en Surselva ina gruppa che porscha gimnastica aposta per cors flaivels. La fisioterapeuta Rilana Caduff mussa co puspè e quant fitg sa muventar per mobilisar las forzas da la pumpa en ina buna moda e maniera. En quella gruppa è però era la cumpagnia in punct central, perquai ch’era lezza stgauda il cor.

Nà cun ils uffants e la giuventetgna, ma co?

La digren da naschientschas en l’Engiadina Bassa ed en Val Müstair è frappanta: Per in terz è quel dumber sa sbassà durant ils ultims onns. Cler vul la regiun dar dumogn a quel problem. Perquai ha ella elavurà in concept per ina politica d’uffants e giuvenils. Render pli attractiva la regiun per famiglias e giuvens. Ina mesira concreta è in parlament da giuvenils che dess sa radunar l’emprima giada quest atun.

A revair e bun divertiment cun la Lectura Rumantscha!