Lectura Rumantscha

La Lectura rumantscha – oz garantì mo cun bunas novas.

Tuns gambonics

Taidlas ti gugent la musica da Pascal Gamboni? Ils vegls hits sco per exempel «Unics» u «Quei Vala Ben Biè» ma era pli novas chanzuns dal cantautore tuatschin laschan batter pli svelt il cor rumantsch, u betg? Prest pos ti sa legrar! Ils 22 d’avrel 2026 cumpara sia pli nova creaziun, l’album cun il titel «Mia barca».

77 dunnas unidas

Pli grond ch’in chor è, e meglier che quai plascha a mai! Ma jau stos conceder che jau sun in pau ina banausa en dumondas da musica. Tge che ha però sveglià mi’attenziun: A Scuol datti ussa, per il segund onn en fila, in chor ad hoc cun 77 dunnas dirigì da la chantautura Nina Mayer da Ramosch! Quai è bain grondius! Noss redactur da l’Engiadina Dario Müller ha visità ina da las ultimas emprovas avant il grond concert.

Dapli che mo salidadas

Rusaris, babnos ed ave-marias – Quai è mo ina part da las incumbensas dals paders benedictins da la claustra da Mustér. Da nov san els era co ch’igl è da sa cumportar en cas ch’i brischass. Il cumandant da pumpiers Gion Tenner ha introducì els en l’art da stizzar fieu.

E per finir anc ina novitad lumneziana: Il redactur Augustin Beeli dat ina survista da las candidatas e dals candidats lumnezians per il Cussegl grond.

Bun divertiment cun la Lectura Rumantscha!