Lectura Rumantscha

La Lectura Rumantscha cun citrona, iva e kiwi – e tut quai senza calorias!

Ina citrona ascha

Has ti anc la survista tge che curra e passa cun l’ospital da Glion? Quai ch’ins po dir ussa: la partiziun da naschientschas vegn definitivamain serrada pervia dals paucs pops sursilvans; l’ospital però, quel resta. Sche questa istorgia fiss in fritg, lu pli probabel ina citrona, e lura anc in’ascha.

In’iva madira

Da la citrona giain nus direct tar in’auter fritg, in’iva madira. Gion Lombriser, il protagonist da 98 onns, è in um criv e stinà plitost a la fin da sia vita terrestra. El giascha en l’ospital, ed ha ina regurdientscha che na lascha betg pli liber el: Ina bova che ha destruì durant sia uffanza ina part da ses vitg patern. L’istorgia fictiva ch’è bunamain in crimi vegn raquintada en il nov roman da l’autur Guido I. Tomaschett.

In kiwi per finir

Has ti gugent kiwis? Jau schon! Il pli gugent sco dessert. E sco «dessert» preschenta la FMR in «meme» da la giuvna «Vera» che tschenta e respunda di per di dumondas che van ad ella tras il chau.

Bun divertiment!