Lectura Rumantscha
La mort tutga tar la vita sco in sgrafit tar ina chasa engiadinaisa. Quai avess Paulin Nuotclà segir era suttascrit.
Paulin Nuotclà ha ditg adia
El è stà in artist universal: autur, chantautur, illustratur, pictur da sgrafits. Paulin Nuotclà ha influenzà la cultura rumantscha en tut ils champs, e quai betg be en l’Engiadina. Er jau sco Sursilvana pudess chantar ina u l’autra chanzun dal bard engiadinais. Glindesdi da Tschuncaisma è il «Bob Dylan engiadinais» mort cun 74 onns en sia chasa a Susch.
Dapli spazi per il Meister da Vuorz
Il Meister da Vuorz fiss forsa ozendi er in talent universal. Il pictur dal medieval ha tranter auter embellì la baselgia da Vuorz. Il museum deditgà a las ovras da l’artist en la Casa Cadruvi a Vuorz vuless gugent anc dar dapli spazi a la vita ed ovra dal Meister.
L’express solar gira a Nalps
Il Solarexpress ha procurà per intgins indrizs da fotovoltaica en las Alps. Ina da quellas è NalpSolar en la Val Tujetsch. Gist sper il lai da fermada da Nalps sa chattan las tablas che rimnan ils radis da sulegl e furneschan gia 10 % energia, sco che la Confederaziun ha pretendì. I vegn dentant anc construì vinavant, tranter auter ina pli gronda lingia che transporta l’energia giu en la val.
In salid en silenzi cun in pau radis da sulegl cun la Lectura Rumantscha!
Gust da leger dapli?