Lectura Rumantscha

En total preschent jau a Vus oz trais istorgias. Formulà en procentualas datti 33 % larmas e frust, 33 % vulps e lufs, e 33 % panels e sulegl. Quai fa totalmain: 99 %. Pia n’è la Lectura Rumantscha oz betg dal tut tschient. Ma 99 % n’è gea betg mal …

«Quai che resta è frust»

Bragias ti anc adina sosas larmas pervi dal final da hockey che la squadra naziunala svizra ha pers dumengia saira al campiunadi mundial? En quel cas vai a tai sco a noss columnist Erwin Ardüser che scriva: «Quai che resta è frust. Frust sincer.» Pia: in frust da 100 %.

Pli difficil che pensà

Ti pensas forsa – installar spert intgins panels da solar e vualà: L’electricitad fluescha en in hui. Ma uschè simpel n’èsi tuttina betg. Avant che realisar la gronda Ovra solara Magriel a Mustér ston anc vegnir examinads plirs facturs, sco la situaziun da vent e dal terren. Mo ina chaussa è garantida: Il sulegl sursilvan splendura 100 %.

En in ballun alv blau

Juna, ina vulp, e Lupo, in luf, viageschan cun in ballun alv blau tras il mund. Senza finamira, simplamain per guardar. Quai è resumà curt e setg l’istorgia dal nov cudesch d’uffants da Xenia Berther da Rueun. Has ti mirveglias tge che ha motivà l’autura ed illustratura da metter sin palpiri sias ideas? – Nus offrin 100 % la resposta.

Jau giavisch in divertiment total e cumplain cun tut las lecturas rumantschas.