Lectura Rumantscha

Per las pitgognas enturn

Jau vegn schon ord flad, cura jau hai dad ir a pe enfin la quarta auzada dal biro a Cuira. Ma lura pens jau a Franz Levy (90) da Cavardiras/Domat. El è 55 onns pli vegl che jau – ed è l’onn passà adina anc raivì per las pitgognas enturn a la tschertga da cristals. Il redactur Hans Huonder è s’inscuntrà cun el. Betg sin in piz, mabain a la 62avla bursa da minerals che ha gì lieu la fin d’emna a Mustér.

In chalzer mellen è il star

Es ti snowboardist ed has ambiziuns? Lura stos ti exnum far ina visita a Müstair e discurrer cun Hansruedi Ammann. Ensemen cun sia dunna Jennifer è el possessur da la Mountain Slope SA. Il venderdi è lur interpresa vegnida undrada cun il premi d’impressari da la Regiun Engiadina Bassa/Val Müstair. La firma producescha in chalzer da snowboard mellen che para dad esser magic. Tut ils victurs e las victuras da cursas alpinas da la coppa mundiala 2024/2025 èn fresads giu da la pista cun quest chalzer mellen.

In cudesch per l’insla

Igl è in dals classichers da la litteratura sursilvana: «Las marletgas de Paul Luziet» scrittas da Guglielm Gadola ed edì l’onn 1956. La persuna principala da questa istorgia – Paul Luziet – è in tip spezial che fa gugent cattavegnas e lumparias. Betg darar cuntegnan las istorgias «metodas d’educaziun» da pli baud (ozendi numnass ins quai violenza) e bleras expressiuns da l’agricultura. Per la redactura Claudia Cadruvi èsi en mintga cas il sulet cudesch sursilvan, ch’ella prendess sin l’insla sch’ella astgass mo prender cun ella in exemplar. Fissi era tes cudesch da l’insla?

Bun divertiment cun la Lectura Rumantscha!