Lectura Rumantscha

Jau porsch oz in trio da tematicas che fa forsa siglir intgina u intgin da legria en l’aria: chatscha, vin e ballape.

«Sajettar» animals e fotografias cun dignitad

Jau n’hai nagin en famiglia che va sin chatscha. Perquai è quel hobi u per blers schizunt passiun in misteri per mai. In secret èn era las fotografias da las predas sajettadas: I para da dar reglas co ch’ils animals vegnan drappads ed inscenads. Per il cumenzament da la chatscha fa la revista da chatscha grischuna attenta da betg be sajettar la selvaschina cun dignitad, mabain era las fotografias.

Il vin dolurus

La fin da stad e l’entschatta d’atun è sper la chatscha era temp da vendemia. Quest onn ha la vendemia pervi da la chauda stad però cumenzà gea pli baud ch’uschiglio. En il Signuradi èn ils viticulturs e las viticulturas gia en acziun. Deplorablamain era las vespras che vegnan carmaladas dal zutger da las ivas e foran ina u l’auter racoltader. Almain rendan quellas dolurs: Il vin 2026 para da vegnir fitg bun.

Ballape fa cumplet il trio

Ina buna tschavera cun charn tschierv ed in magiel vin. Quai è per blers e bleras daletg pur. Manca be anc … natiralmain ballape. La stagiun dal ballape regiunal ha gia cumenzà avant in pèr emnas. Temp dad ir a guardar ina partida dal Club da ballape Trun/Rabius. El po vertir in pau applaus suenter ina victoria e duas terradas.

A revair e bun divertiment cun la Lectura Rumantscha!