Lectura Rumantscha

Las plazzas restan

Sche jau aud medias rumantschas, pens jau natiralmain l’emprim a la FMR, ma lura gist suenter a Radiotelevisiun Svizra Rumantscha RTR. Tge fiss il mund rumantsch senza quella unitad regiunala da la SRG SSR: nagins Cuntrasts, naginas gratulaziuns da mezdi, naginas fotografias da chatscha – e natiralmain anc bler auter betg. Ussa sto era RTR sper sias soras SRF, RTS ed RSI spargnar: 100 000 francs l’onn 2027. Las plazzas restan però – e segir era las gratulaziuns.

Scolaras e scolars sa dostan

La novitad che la suprastanza da Scuol vul serrar las scolas da Tarasp e Ftan ha procurà questa emna per discussiun. Era scolaras e scolars sa dostan per lur scolas, e quai tut creativ cun differents placats. En ina clausura davart daventar persunas maiorennas avessan tuts survegnì in da sis.

La tiba che na suna betg

L’emprima preschentaziuns dals Sunatibas Sedrun è stà in desaster: Nagins tuns èn vegnids or dals instruments e la sala ha ris larmas. Quai è dentant bainbaud sa midà. E 50 onns suenter la fundaziun da l’uniun guarda Conrad Berther enavos sin in temp plain fascinaziun per la tiba d’alp.

A revair e bun divertiment cun la Lectura Rumantscha!