Lectura Rumantscha
FMR
L’oasa cun defects a Laax
Oasa vegn in quartier da Laax era numnà in pau umoristic. Per bun 80 possessurs e possessuras d’abitaziuns sa tracti però betg d’in lieu da refrestg e recreaziun. Tar la construcziun da lur condomini en quel quartier hai dà differents donns, uschia ch’els èn ussa davant dretgira – per revenditgar il status dad oasa.
Star calm per il titel
Controllar il flad, tegnair calm il bratsch e lura sajettar. Quai sa Elmar Falett far en perfecziun. Il tiradur da pistola ha gia gudagnà tut en Svizra. Tut? Na, in grond titel al manca anc – quel dal retg da la Festa federala da tir. E per quel trenescha el actualmain. Tenor il Jauer è il sport da tir però tut auter che grev: Ins stoppia simplamain adina far il medem – pia controllar il flad, star calm e sajettar.
Il luf-tscherver dastga turnar
Il Cussegl grond n’ha ina giada betg debattà davart il luf, mabain davart ses quasi numalin. Duain dus lufs-tscherver vegnir recolonisads en Surselva u betg, era la dumonda. Sco tar il luf èn però era qua las emoziuns idas ad aut. La fin dals quints ha il parlament dentant dà glisch verda als novs abitants. Quels ston però l’emprim vegnir pigliads en il Giura ed en las Carpatas, sch’i vulan u betg. Decidì e decidì.
A revair e bun divertiment cun la Lectura Rumantscha!
Gust da leger dapli?