Lectura Rumantscha
FMR
Oz cumenza la Lectura Rumantscha tar Adam ed Eva. Bun divertiment!
27 differentas sorts
Jau vuleva gia adina savair, co ch’il mail ha gustà, che Adam ed Eva han mangià. Era quel asch? Dultsch? Tge pelletscha aveva el? E co era la textura? Dumondas sur dumondas. Tge che jau sai segir: Sch’els avessan laschà cussegliar da Martin Camenisch, lura vess il mail pli probabel anc gustà meglier. Il biolog ha plantà 27 differentas sorts en ses curtin da pumera a Flond.
Conflict en Val Müstair
Sche Adam ed Eva n’avessan betg mangià quest smaladì mail, lura na dessi naginas guerras, naginas charplinas persunalas e pli probabel era nagins conflicts tranter vischinas e vischins da la Val Müstair. Pliras persunas da l’Uniun da Mansteranza locala èn malcuntentas cun il sistem da certificaziun da la Biosfera Val Müstair.
Acziun da bandieras a Laax
Adam ed Eva avevan bel en il paradis: Els stuevan guardar in pau dal curtin, avevan avunda da mangiar, gievan enturn bluts et cetera et cetera. E cunzunt: Els na duvravan naginas bandieras e vopnas per mussar ch’els vivevan coga gugent en l’iert dad Eden. A Laax è quai in pau auter: Tgi che vul mussar si’amur per la vischnanca sursilvana, quel po cumprar uss ina bandiera cun il pesch sin funs blau – e pender quella vi dal balcun. Quai grazia ad in’acziun da la vischnanca.
Per fortuna datti Adam ed Eva! Bun divertiment!
Gust da leger dapli?