• Fundaziun medias rumantschas
  • Abunar la newsletter «Lectura Rumantscha»
  • Chalender
Logo FMR
  • Tut
  • surregiunal
  • Surselva
  • Grischun Central
  • Engiadina
  • Newsletter

Lectura Rumantscha

mardi, ils 17 da november 2026
Toni Vinzens
FMR

Il Grischun è sportiv. Quai na mussan betg mo las cifras actualas, mabain era la lectura dal di.

Acrobatica a Mustér

Cun ils sports ils pli populars – viandar, ir cun velo e skis – na po l’acrobatica betg concurrenzar. Igl è in sport da nischa en il Grischun. E quai vegn probablamain er a restar uschia – ma tuttina, i dat schlantsch per quest sport a Mustér: l’Uniun da gimnastica Cadi crescha, en il Center Fontauna a Mustér èsi planisà ina halla da gieus ed acrobatica ed a Mustér han era lieu duas grondas concurrenzas: il Campiunadi grischun, ils 21 e 22 da november 2026, ed il Campiunadi svizzer, ils 20 e 21 da matg 2028.

Mustér daventa proximamain il center dal sport d’acrobatica chantunal e naziunal. Foto: Uniun da gimnastica Cadi

A chatscha da baus-scorsa

Activ e sportiv è er il chaun Zino, cunzunt cura ch’el va a chatscha da baus-scorsa: El «savura vi d’ün trunc, siglia sü vi d’ün oter – cuorra vi e nan, fond ziczac tras la bos-cha.» Gea, sco che mes collega Michael Steiner descriva la rutina da Zino, pari prest in trenament da fitness modern. Ma Zino na fa quai forsa betg sco passatemp. El è in chatschader da baus-scorsa professiunal e fa part d’in project da perscrutaziun. La finamira è da scuvrir pli baud e pli effizient pigns infestads.

Enavos sin l’agen glatsch

Uschè bel sco a chasa n’èsi nagliur. Chapaivlamain è l’emprima partida da l’EHC Seglias sin agen glatsch dapi 25 onns stà insatge tut spezial: Passa 200 aspectaturas ed aspectaturs han sustegnì lur equipa dasper il glatsch dumengia saira. Il return en l’atgna «arena» fiss però prest crudà en l’aua. In’ura e mesa avant la partida ha il zamboni fatg ina rusna el glatsch. La finala èsi dentant reussì da la serrar e da salvar uschia la saira. L’EHC Seglias ha dal reminent gudagnà cleramain la partida.

Dumengia saira ha l’EHC Seglias dà sia emprima partida a chasa dapi 25 onns. Foto: Stefanie Elsa

E sche ti vul anc savair, quant sportiv ch’il Grischun è, lura guarda qua.

A revair e bun divertiment cun la Lectura Rumantscha!


Abunescha la Lectura Rumantscha.

Ei sestiarnan e fan prova

Managers han savens in, artists medemamein, e sportists ambizius en mintga cass. In agen coach! In cussegliader ni ina trenadra cun qualificaziuns che promovan il…
Leontina Lergier-Caviezel , ils 28 da settember 2025

Stagiun ota in bacharia

«Quist on sarà ün bun on», es il bilantsch pro Hatecke a Scuol al principi da l’ultim’eivna da chatscha. Dürant la stagiun mainan ils chatschaders…
Michael Steiner/FMR, ils 25 da settember 2025

La prüma sted in nos nouv dachesa

Ils prüms gün es gnieu il mumaint: nus vains banduno la cited ed ans vains finelmaing drizzos aint in nossa nouva chesa in champagna. Que…
Sandra Demonti, ils 25 da settember 2025
logo gasetta
logo gasetta

Las linguas naziunalas sut squitsch

Nagina lingua naziunala sco lingua estra en scola e l’iniziativa «200 francs bastan» – Anna Giacometti e Martin Candinas han prendì posiziun sco represchentants da…
Olivia Portmann-Mosca/FMR, ils 25 da settember 2025

Stafla dus da l’ultim rumantsch

Bainbaud vegni a dar dapli glisch sin las intrigas ed ils secrets da la famiglia Durisch. L’istorgia da la pli gronda chasa da medias dal…
Olivia Portmann-Mosca/RTR/FMR, ils 23 da settember 2025

Novas tablas digitalas a Glion

Biaras uniuns, fatschentas ed intepresas dil maun public han fatg diever ils davos 12 onns dallas tablas digitalas da reclama allas entradas ost e vest…
Martin Gabriel/FMR, ils 23 da settember 2025

In onn grass per l’Arena Alva SA

La Gruppa Arena Alva SA ha giu in bien onn da gestiun. Denter auter grazia alla natira, respectiv a duas nevaglias digl unviern vargau. Quei…
Augustin Beeli/FMR, ils 23 da settember 2025

Navigaziun dad artitgels

« enavos 1 … 266 267 268

Gust da leger dapli?

  • La Pagina da Surmeir
  • Posta Ladina
  • La Quotidiana
  • RTR
  • Impressum
  • Protecziun da datas
Logo FMR Logo FMR