Lectura Rumantscha

Val Müstair empè da Venezia

Donna Leon enconuschas ti – sco er jau – probablamain sco autura da crimis. Sia figura principala è il commissario Guido Brunetti che schlia cas d’omicidi e corrupziun a Venezia. Che Donna Leon viva dapi prest 20 onns en la Val Müstair ed ha dapi sis onns il pass svizzer, è damain enconuschent. Ma quai na fa betg surstar. Ni l’autura dad 83 onns ni ses vischins jauers fan ina gronda parlamanza pervia da la prominenza en la val.

Adina puspè mazler

Be in pugn plain mazleras e mazlers ha terminà quest on l’emprendissadi en il Grischun. Blers na fa quai forsa betg surstar. Igl è in mastergn che pretenda forza e tschaffen da lavurar cun charn. Damai n’èsi betg ina lavur per ina e mintgin. D’in auter avis è sa chapescha il schef expert dals mazlers chantunal, Jean-Claude Zimmermann. El maina sez ina mazlaria a Glion e di cun persvasiun: «Jeu mez sai mo dir ch’jeu hai empriu il pli bi mistregn dil mund.» El faschess pia adina puspè il mazler.

Cularin empè da barbet

Dapi intgins onns pon ins observar en il Grischun pli e pli tschess cularins. Quels vegnan la primavaira da la Frantscha en la Val Farera e restan qua fin l’atun. Vul dir che ti avessas gist ussa buna schanzas da pudair observar quest utschè. E sche ti chattas in, chattas probablamain era dus u trais. Auter ch’il tschess barbet – ch’è in utschè plitost solitari – è il tschess cularin numnadamain in da cumpagnia.

Bun sgol, bun appetit e buna lectura!