Lectura Rumantscha

«Jössas – tge herzig gnocher»

Nagut Australia! Surses! Avant 30 onns han medias da tut il mund rapportà da Fred. Il kenguru dal circus Nock ch’era sin visita a Savognin è scappà or da ses giatter. E pir vegnì chattà in mais pli tard, curt avant il cumenzament da la chatscha. Gion Nutegn Stgier sa regorda da questa legra episoda.

Cun carbon e cundiziun

«Karbon statt Kondition» – Sas anc da quel legher spruh dals capricorns famus da reclama Gian e Giachen? Jau bain! Jau gieva numnadamain era gugent cun velo, ma plitost plaun cura ch’i gieva ensi, damai pli bler carbon che cundiziun. Tut auter è quai tar ils participants e las participantas dal Bike Maraton Lumnezia. Cundiziun è premissa, cura ch’i va 38 kilometers tochen si l’alp Staviala Vedra e lura vinavant sin l’alp Sez Ner.

Da Surmiran tar Surmirana

Blera cundiziun ha er Elena Luzio da Turitg/Berna. En ses temp liber va ella era gugent cun velo e viandescha bler, raquinta ella en l’intervista cun la FMR. Ma «power» e cundiziun dovra ella era per ses nov uffizi sco presidenta da la SRG.R, la societad purtadra dad RTR. «Per las medias na vegni betg pli simpel ils proxims onns», di ella.