Lectura Rumantscha

Viva il provisori

Simpel e pragmatic – Quai è il success da la scola a Sta. Maria en Val Müstair. Dapi dus onns è il stabiliment dals onns 1970 il dachasa provisoric da scola primara e stgalim aut. Ed era, sche quel bajetg è in pau vegl e pitschen, tant megliera è l’atmosfera tranter scolars e scolastas. Quai han constatà las duas co-manadras da scola Aita Stupan e Flurina Oswald.

Tge capita a Morissen?

Main legraivla è l’atmosfera en il «Lampart’s Guesthouse e Country Club» a Morissen. La fin da settember sto quel suenter sis onns serrar sias portas. Tge che capita cun l’anteriur hotel Mundaun è anc avert – il possessur Simon Osterwalder dovra anc in pau temp da ponderaziun. Cler è sulet: el sto ponderar senza servis da hotel.

Ils culms en moviment

La natira è brutala – quai è da vesair quests dis en il Nepal, nua che ina bova immensa ha sutterrà millis e millis da persunas. La dumonda che sa tschenta immediat suenter ina tala tragedia: Tgi è la culpa? Avess’ins pudì prevesair la bova? Cun questas medemas dumondas da responsabladad ha la Dretgira regiunala da Malögia gì da cumbatter en connex cun la bova da Bondo da l’onn 2017.