Lectura Rumantscha

Gabriela Riedi/FMR

Luar senza suspensiun

Questa fin d’emna avain nus tuts pudì durmir in’ura pli ditg. Il temp d‘enviern ans ha regalà in pau sien. Per il glatscher da la Sella en l’Engiadin’Ota n’hai però betg dà dapli temp. Quel lieua senza fin. Gian Andri Godly è il cartograf da quella mort calma. Mintg’onn sto el chaminar pli lunsch per chattar la fin da la lieunga dal glatscher.

Daners per dapli naiv

Temp è daners, di in proverbi. E dapi quella dumengia han las pendicularas da Breil Vuorz Andiast gist survegnì omadus: Daners da la vischnanca per sa preparar ad uras per il futur cun pli pauca naiv. Igl era nairas uras, uschiglio fissan las pendicularas probablamain idas a frusta.

Chantar sut la duscha

Prender peda avant che cumenzar a chantar oratoris u chanzuns popularas – quai ha la chantadura da professiun Salome Cavegn cusseglià a chaschun d’in curs la sonda passada a Glion. I saja indispensabel da chantar en conscienziusamain. Ed impurtant saja era da chantar sper las emprovas da chor er a chasa. Pia betg spetgar fin gievgia saira en l’aula da la scola, mabain chantar immediat er en las quatter atgnas paraids, betg be sut la duscha.

A revair e bler temp cun la Lectura Rumantscha!