Lectura Rumantscha

Oz ans porta la Lectura Rumantscha puspè ina giada en Surselva tar la SanaSurselva, suenter vai però immediat a Cuira al Fiutscher ed il davos anc sin la glina.

Critica en la fasa finala

Il di decisiv vegn adina pli datiers. La fin da november votescha la Surselva davart ses provediment da sanadad. En la fasa finala bitta la suprastanza dad Ilanz/Glion ina brev en il rintg. Ella crititgescha tscherts puncts pertutgant il messadi, per exempel che la partiziun da parturir duai restar averta.

Tge plascha, tge betg?

Tge plascha vi da Vossa lavur? Tge plascha main? Quant fadiais Vus? – Quellas e bleras autras dumondas tschentan giuvenils quels dis al Fiutscher a Cuira. Era noss schefredactur e ses figl Tista èn sa rendids en la fulla da l’exposiziun da professiuns – ed han natiralmain tschentà ina massa dumondas.

Aua enstagl la glina

Avair ina chasa a la riva d’in lai è schon insatge bel. Quai pensa forsa era la glieud da Livigno. Atgnamain avess il vitg talian gist sper il Parc Naziunal Svizzer in lai. Pervi da la producziun da current variescha l’autezza dal Lai di Livigno però, uschia ch’il vitg sa chattà la stad plitost a l’ur da la glina enstagl a l’ur da l’aua. Las Ovras Electricas Engiadina che gestiuneschan il lai da serra vulan perquai divider quel en dus lais. Livigno avess lura sur onn ina bella vista sin in lai.

A revair e bun divertiment cun la Lectura Rumantscha!