Lectura rumantscha

Sin la carta da menu èn oz quatter istorgias da vaglia:

Schluein: Èsi in nas u in venter?

Dà in cuc sin quest grip marcant qua sin la fotografia. Tge furma ha quel per tai? Ina furma da nas? U plitost in venter? Sur da quai sa lascha dispitar. Nundispitaivel è dentant ch’igl ha dà ina crudada da crappa pli gronda sin il territori da Schluein. In lectur ha tramess a la redacziun ina fotografia co ch’il grip vesa ora ussa. Ma i n’è era suenter questa crudada betg cler: Vesa il grip ora sco in nas u sco in venter?

Per Blumenthal bastan 200 francs

Tge fas ti ils 8 da mars 2026? – Per collavuraturas e collavuraturs da la SRG SSR vegn quest di ad esser marcà cotschen en lur chalender. L’iniziativa «200 francs bastan» va en votaziun, e quella vul reducir la taxa da medias annuala (Serafe). Tar in GEA fissan periclitadas era bleras plazzas en il Grischun. Daco che l’Uniun grischuna d’artisanadi e mastergn è malgrà quest privel per in GEA a l’iniziativa, quai declera il directur, Maurus Blumenthal.

I va era senza carta da menu

El era in ustier legendar, Jonni Fasser (1941-2026) da l’hotel Chasa Chalavaina a Müstair. Cun ses stil agen resta el en memoria a bleras e blers che han gia ina giada fatg fermativa en ses hotel-restorant che funcziunava era senza carta da menu e senza indicaziuns da pretsch.

Ed avant che jau emblidia: Legia sco dessert tge che Maria Cadruvi scriva en sia columna davart il fenomen da «Vulair far sco tschels». Bun appetit!