Lectura Rumantscha

Vegl u nov?

I n’è betg simpel. In preferescha tut nov, a l’autra plascha meglier il vegl. Quel conflict procura gist a Glion per ina petiziun. Ils aderents dal vegl vulan salvar il Mulin dal Blumer sin l’Areal Maissen, tschels vulan spazzar il bajetg ch’è passa 100 onns vegl. Sco ch’il proverbi di: Dals gusts n’èsi betg da sa dispitar, u forsa eba tuttina.

Il mail muntagnard

In da mes mails preferì è la spezia gravensteiner. E gist quella crescha fitg bain en il Surses che n’è geograficamain betg gist in paradis per puma. Ma tuttina datti adina dapli puras e purs che cultiveschan en la regiun puma. Qua poss jau be dir a Sursetras e Sursetters: Laschai gustar ils gravensteiner!

Ina planta cupitga – tgi è la culpa?

Cler, sch’i buffa fitg, na vom jau betg gist en il guaud. Uschiglio fatsch jau gugent ina spassegiada e giaud las plantas. En il chantun Friburg ha ina dunna fatg il medem, è però vegnida blessada grevamain d’ina planta ch’è cupitgada. La dretgira chantunala ha perquai sentenzià in selvicultur d’ina greva blessura corporala per negligientscha. Tge munta quai per il Grischun cun ses guauds sin spundas taissas? Ed era per mai?

E per la fin anc in pau latin da chatscha, era per ignorantas ed ignorants da chatscha cun la revista dal mais settember da noss schefredactur. Bun divertiment!