Lectura Rumantscha
FMR
Suenter las mammas cun dissegns fatgs sezs e matgs flurs èsi ussa temp per la generaziun giuvna. Era quella ha survegnì in regal la fin d’emna, betg en furma dad insatge zambregià, mabain ina clav.
«La Turbina» da star da cumpagnia
Il num «La Turbina» sveglia tut autras associaziuns ch’in local da giuventetgna. Ma gist uschia sa numna il nov lieu da sentupada per giuvnas e giuvens or da scola a Sedrun. L’Uniun da giuventetgna da Tujetsch ha pudì prender encunter la clav questa fin d’emna per las localitads nua ch’ina anteriura centrala per la producziun d’electricitad sa chattava. La turbina originala da quel indriz beneventa uss ils giuvens e las giuvnas sper porta per star da cumpagnia. E forsa ina u l’auter che ha lura mintgatant era che gira il chau sco ina turbina.
Cornet e tractor
Il musicist Simon Gabriel (17) è dacurt daventà campiun europeic per instruments da brass. Cun ses cornet è il giuven emprendist da hotellaria bler da viadi e mo pli darar a chasa a S-chanf tar ses geniturs che fan da purs. Tuttina ha el chattà ina pezza temp da dar in schatg da ses talent sin il tractor e da raquintar co ch’igl è da betg pli avair avunda flad durant sunar.
Il Städtlilauf fa la cursa per records
Il Städtlilauf è in punct impurtant en l’agenda da la citad da Glion. La sonda passada è in dumber da record sa radunà per la cursa populara e differents megliers temps èn vegnids fatgs. E natiralmain n’han er ils uffants betg mancà a l’occurrenza en l’emprima citad sper il Rain.
A revair e bun divertiment cun la Lectura Rumantscha!
Gust da leger dapli?