Lectura Rumantscha
FMR
La populaziun duai decider
La soap sursilvana va en in’ulteriura stafla. Acturas principalas èn quella giada las vischnancas da Laax e Schluein. Schegea ch’ellas èn tenor agen manegiar extradas da la SanaSurselva, proponan ellas da laschar decider la populaziun davart las cunvegnas da la SanaSurselva en connex cun il provediment da sanadad. Ed ussa tira era la SanaSurselva suenter e vul ina decisiun a l’urna. I resta pia captivant en la soap ch’è atgnamain plitost ina tragedia.
L’accident da car a Susch
L’incendi a Crans-Montana, in um che sa dat fieu en in auto da posta a Kerzers ed ussa l’accident da car a Susch. L’onn 2026 vegn a restar a bleras persunas en Svizra en schletta memoria. E la dumonda chapitala è adina: Daco è quai capità? Daco han persunas stuì murir? La polizia e la procura intercureschan ils motivs, quai na mida però nagut che confamigliars ed amis restan enavos en malencurada.
La Festa d’atun a Sagogn
Suenter tematicas plitost grevas e tristas dovri mintgatant er ina schluccada per era vesair las bella varts da la vita. Ina tala occurrenza che fa buna luna è gist stada a Sagogn. Là ha la Festa d’atun procurà sonda passada per venters plains e fatschas cuntentas – e las vatgas per inqual buatsch durant la stgargiada.
A revair e buna Lectura Rumantscha!
Gust da leger dapli?