Lectura rumantscha

Sandro Buchli/FMR, ils 24 d’avrigl 2026

Punctualmain per la bun’ura – la lectura!

Dario Hess – Tranter rock e diesel

CAUSE I AM T.N.T. I AM DINAMITE – Vulessas ti era grir, sche ti audas quest mega-hit dad AC/DC! Simplamain bun, u betg! Damai: Musica da rock taidla era il musicist Dario Hess, cura el charrescha plain concentraziun cun in camiun tras la Surselva. Patrìcia Tschuor-Marques l’ha accumpagnà durant ses di da lavur e vulì savair dad el, co ch’el fetschia quest spagat tranter dus munds: dad ina vart la gronda tribuna, da tschella vart la lavur concentrada en il mintgadi sco camiunist – cun ni senza T.N.T.

Ina dunna ch’è era in pau tranter dus munds è era Manuela Gebert. In mund è la citad, Berna, e sia lavur sco giurista. E tschel mund è Alvagni, il ruaus, e ses lieu preferì. Cun quest ruaus pudessi però prest esser a fin: Ella candidescha numnadamain sco presidenta da la vischnanca d’Albula/Alvra. Sco successura da «mister Brinzauls» Daniel Albertin vegniss ella confruntada cun il Rutsch, ina demografia negativa ed anc bleras autras sfidas che la vischnanca ha da dumagnar ils proxims onns. La grond’intervista cun la dunna, che ha era la licenza da sgular.

Drogas, armas e corrupziun – Igl è in mund sumbrivaun, en il qual ils clans mafius da l’Italia e dad auters pajais sa movan. Gugent prendan els era dimora en Grischun – per zuppentar lur fatschentas, e per che tut paria schuber. La fin da favrer avevan retschertgas internaziunalas manà a pliras arrestaziuns: Quater persunas criminalas avevan perfin ina lubientscha da dimora a Roveredo. Actualmain vegnia examinà sch’i duai daventar pli grev da survegnir ina lubientscha, quai ha il cusseglier guvernativ Peter Peyer annunzià durant la sessiun dal Cussegl grond. Tge che ha anc fatschentà ils deputads e deputadas.

Bun divertiment cun la Lectura Rumantscha!