Lectura Rumantscha

Has ti semtgà il popcorn? Oz ta furnescha la Lectura Rumantscha istorgias ensaladas. 

Showdown en Chasa rumantscha

Quests dis hai num per Markus Solinger: dar giu las clavs da la Chasa rumantscha a Cuira! Il secretari general sto bandunar ses post, perquai ch’el n’è betg vegnì perina cun la nova strategia da la organisaziun tetgala dals Rumantschs e da las Rumantschas. El è gia il quart secretari dals ultims diesch onns che chala. Quai è «donn e putgà», cunzunt «per quest pli bel job en la Rumantschia», commentescha mia collega Claudia Cadruvi.

Na grazia a Lavin

Las clavs da l’Hotel Linard amez il vitg Lavin restan vinavant en ils mauns da Hans Schmid. Quai è ina surpraisa, perquai che l’um en la vegliadetgna da pensiun aveva atgnamain annunzià da vulair dar vinavant la batgetta. Ina gruppa d’abitantas ed abitants ed er ina fundaziun han sinaquai preparà la surdada – perfin cun agid dad in mecen. Ma lura ha Hans Schmid midà opiniun: Na grazia!

Autras leschas a Laax

Laax è ina da las pli ritgas vischnancas dal Grischun. Gronds projects vegnan regularmain tractandads durant las radunanzas da vischnanca. Ussa duai la constituziun vegnir midada – cun la nova pussaivladad da laschar votar a l’urna, sche la summa da credit surpassa ils tschintg milliuns francs. E tals projects hai dà in sfratg ils ultims onns.

Bun divertiment cun la Lectura Rumantscha!