FMR
Betg tut è aur, quai che traglischa, oz dentant è tut aur – garantì!
Splendurar sco aur
Il «Stradung» – la via principala che maina tras Savognin è pauc attractiva. Numerus autos e camiuns charreschan sperasvi. Ed ils davos onns han hotels e fatschentas a l’ur da la via serrà lur portas. En futur duai dentant puspè dar dapli vita, uschia Giovanni Netzer, l’intendant d’Origen. Mardi saira ha el preschentà ses plans cun l’Hotel Piz Mitgel che sa chatta gist sper la via. Sustegn survegn el dals Engiadinais. L’Hotel Waldhaus da surpiglia la hotellaria e gastronomia da l’hotel. Uschia che il Stradung splendura forsa sco aur la stad 2027.
Nuggets da Mustér
Aur – paucas autras materias han uschè ina gronda valur per il carstgaun. Il territori enturn Mustér è gia daditg enconuschent per ses aur. Ed il pli grond nugget ch’è insacur vegnì chattà en Svizra, deriva era da la Surselva. Il mument vegni contrahà, schebain quest «nugget» duai turnar a Mustér.
Il temp d’aur è passà
Il temp d’aur dal catolicissem en Svizra para passà. Jau ma regord anc da mes temp da ministrant en ils onns 1990 u in zichel pli tard che ils bancs baselgias eran occupads cumplainamain – almain als dis da festa. Ed anc intgins onns avant segiramain tuts ch’enconuschevan il num da l’augsegner dal vitg. Oz è quai strusch pli il cas. Perquai èn las plaivs sursilvanas a la tschertga da soluziuns. I saja nairas uras da stgaffir in center ecclesiastic.
A revair e bun divertiment cun la Lectura Rumantscha!
Gust da leger dapli?