Lectura Rumantscha
FMR
Cun motocross, chaval u a pe – La Lectura Rumantscha fa oz in viadi.
Cun chaval e vin sur ils culms
Sco in cowboy che chavaltgescha tras la preria ha Alfons Cotti traversà il Grischun. Da l’Alp Flex anora è el ì cun ses chavals enfin en la Valtellina en Italia – damai sur il Pass dal Gelgia ed il Bernina. E quai «mo» per transportar butschins da vin sco ins fascheva quai antruras. Jau chat l’idea da Cotti in pau sturna, ma insaco era bella – e segiramain ecologica!
Motocrossers a Degen
In pau dapli gas che Cotti dattan ils protagonists e las protagonistas da Degen. Sin in champ da tirc datiers da Degen è la scena da motocrossers s’entupada la sonda vargada per la segunda ediziun dal «Calzereun Cross». La sitgira da questa stad para era d’avair avantatgs, sco quai ch’il redactur descriva: «La pista da motocross a Degen era uschè sitga, ch’i pareva als crossists dad esser amez il desert.»
A pe tras Glion
Tgi che va plaun, va saun. E tgi che va tras Glion, quel emprenda gist anc insatge! La Societad Anna Catrina porscha dapi intgins onns guidadas tras citad. La sonda passada ha l’actur David Flepp manà la glieud tar la Porta Nera, la Porta dal Rain, la Porta sura e la Porta cotschna – e quai senza vegnir cotschen…mabain oransch.
Dal rest: Sa decider è grev – quai chatta era Erwin Caduff.
Bun viadi e buna lectura – cun u senza PS!
Gust da leger dapli?