Lectura Rumantscha
FMR
En la Lectura Rumantscha èsi oz in pau da dar adatg da betg s’endurmentar, ma betg perquai ch’ella è lungurusa, il cuntrari!
Il plimatsch ch’engola la sien
Jau dovr per ina buna sien in bun plimatsch. Gist uschè grond sco quel dal «White Pillow Park» na sto quel dentant betg esser. Quel parc planisà sper Glion, nua che sportists da freestyle duain en il futur dar sigls e lura sa platgar segir sin in grond plimatsch, era tema en il parlament dad Ilanz/Glion. Quel ha decidì da sustegnair finanzialmain il parc, ma i dat resistenza che na dorma betg.
Il vi e nà davart il label Biosfera
Resistenza hai era dà encunter il label Biosfera en la Val Müstair. Quel saja memia sever. Ed uss è sa furmada ina gruppa che s’engascha gist per quel label e ses criteris severs. La FMR n’ha betg durmì e dumandà las differentas partidas per tge ch’i giaja insumma.
La preparaziun per ina lunga sien
«Schlafes Bruder» è per tudestg in’expressiun per la mort. Ed apunto è la mort ina lunga sien. Gianign Derungs prepara sco sepulider ils defuncts per quella sien perpetna ed era en discurs las famiglias en cordoli.
La lectura da notg
Noss schefredactur n’ha betg fatg siesta ed ha gizzà sia plima: Il Mais da pais da l’october spetga puspè cun in sguard satiric sin l’october. Gist ina bella lectura da notg per finir il di cun in rir.
A revair e bun divertiment cun la Lectura Rumantscha!
Gust da leger dapli?